भौतिक शास्त्रामधील करिअर
भौतिकशास्त्राबद्दल विद्यार्थ्यांच्या मनात विनाकारण एक प्रकारचे दडपण किंवा अनामिक भिती असते. सर्वप्रथम ही भीती घालवण्यासाठी थोडेसे लेखन करतो. शाळेपासून मनात एक न्यूनगंड असतो तो हाच की , “ फिजिक्स खूप खूप अवघड आहे ”, कुणीतरी मनामध्ये पेरलेला. खरे तर जिवनाची सुरुवात ही पहिल्या श्वासापासून होते तिथे फुप्फुसांचे आंकुचन व प्रसरण हे प्राणवायूच्या उच्च दाबाकडून कमी दाबाकडे वहन यामुळे होते हे समजण्यासाठी भौतिकशास्त्राची आवड निर्माण करून घेणे अत्यंत आवश्यक आहे. आपल्या दिवसाची सुरुवात पक्ष्यांच्या किलबिलाटापासून होते. त्यांचे वेगवेगळे ध्वनी व त्या ध्वनीचा अभ्यास भौतिकशास्त्र करते. सूर्यकिरणांचा अभ्यास , प्रकाशाचा अभ्यास , सूर्याचा अभ्यास , सूर्य मालेचा अभ्यास , ग्रह , तारे , धूमकेतू , उल्का , विश्वाचा अभ्यास , हे विश्व कसे निर्माण झाले ? याचा अभ्यास , का निर्माण झाले ? याच्या अभ्यासाचा प्रयत्न इ. अनेक कल्पनातीत गोष्टी या भौतिकशास्त्रामध्ये प्रत्यक्षात अभ्यासता येतात. हवा दिसत नाही पण जाणवते. हवेचा दाब मोजण्यासाठी भौतिकशास्त्रातील समिकरणे व उपकरणेच काम करतात . त्याचप्रकारे ध्व...
