मराठी.Radiosantosh

   संगमेश्वर एज्युकेशन सोसायटीच्या ध्वनीचित्रफितीची संहिता   स्वातंत्र्यपूर्व कालखंडात सोलापूर शहरात उच्च शिक्षणाची वानवा होती. ग्रामीण भागातील विद्यार्थ्यांची सोलापूर शहरात राहण्याची देखील सोय नव्हती. या गरजेतून सामान्य कष्टकऱ्यांची मुले शिकावीत या हेतून काडादी  परिवारानं त्यावेळी सात रस्ता परिसरातील आत्ताच्या दगडी इमारतीत ८ नोव्हेंबर १९३२    वीरशैव वस्तीगृहाची सुरुवात केली. यातून शेकडो कष्टकऱ्यांची मुलं सोलापुरात शिकू लागली. पुढे स्वातंत्र्यानंतर कर्मयोगी कैलासवासी आप्पासाहेब काडादी आणि त्यांचे बंधू कै. नागपण्णा काडादी यांचं धार्मिक, सामाजिक, शैक्षणिक आणि सहकार क्षेत्रात आपलं काम सुरू होतं. सोलापुरात सात रस्ता परिसरात एक कॉलेज असावं अशी  अनेकांची इच्छा त्याकाळी होती. काडादी बंधुद्वयांनी ही गोष्ट हेरली पुढे कर्मयोगी कै.अप्पासाहेबांनी केएलइ  सोसायटीच्या माध्यमातून संगमेश्वर कॉलेजची १९५३ साली मुहूर्तमेढ रोवली.१९५८  साली  श्री   श्री संगमेश्वर एज्युकेशन सोसायटीच्या माध्यमातून  बंधुद्वयांच्या कुशल मार्गदर्शनाखाली स्वतंत्र कॉल...

संगमेश्वरच्या सामान्य ज्ञान स्पर्धेतील विजेत्यांचा सन्मान  सोलापूर प्रतिनिधी (दिनांक १९ )  '' स्पर्धा परीक्षेत सातत्यपूर्ण कठोर मेहनत घेतली तरच यश निश्चित मिळते. काळाच्या ओघात स्पर्धा परीक्षेच्या क्षेत्रात प्रचंड स्पर्धा वाढलेली आहे. विद्यार्थी कायम सजग राहिला तरच या क्षेत्रामध्ये करिअर करू शकतो. आपल्याला वास्तवाची आणि स्वची जाणीव  करून घेऊनच या क्षेत्रात पाऊल ठेवावे लागेल.'' असा मौलिक सल्ला मृद व जलसंधारण सोलापूर विभागाचे वित्त व लेखाअधिकारी  अजित शिंदे यांनी दिला. ते संगमेश्वर कॉलेज कनिष्ठ विभाग आयोजित सामान्य ज्ञान स्पर्धेतील विजेत्या स्पर्धकांच्या बक्षीस वितरण कार्यक्रम प्रसंगी बोलत होते. मंचावर उपप्राचार्य प्रसाद कुंटे, पर्यवेक्षक मल्लिनाथ साखरे, समन्वयक शिवशरण दुलंगे उपस्थित होते.  सामान्य ज्ञान स्पर्धेतील विजेत्या स्पर्धकांसोबत समन्वयक शिवशरण दुलंगे, उपप्राचार्य प्रसाद कुंटे ,   वित्त व लेखाधिकारी अजित शिंदे, पर्यवेक्षक मल्लिनाथ साखरे                 प्रारंभी दीप प्रज्वलन झालं. समन्वयकांनी प्रास्ताविकात  स...

होम मैदानावर चार दिवसीय चित्र शिल्प प्रदर्शन , प्रात्यक्षिक सुरू   सोलापूर प्रतिनिधी ( दिनांक १९ ) '' चित्रकलेच्या साधनेतून मन एकाग्र करण्याची शक्ती मिळते , त्यातून कलाकार अप्रतिम कलाकृती साकारतो. आजच्या माहिती तंत्रज्ञानाच्या युगात ग्लोबल होणाऱ्या चित्रकलेला आपण जपले पाहिजे. '' असे प्रतिपादन कुलगुरू डॉ.मृणालिनी फडणवीस यांनी केले. त्या श्री सिद्धेश्वर देवस्थान पंचकमिटी आणि कर्मयोगी कै. अप्पासाहेब काडादी   चित्रकला महाविद्यालय यांच्या संयुक्त विद्यमाने आयोजित केलेल्या चित्र शिल्प प्रदर्शन आणि प्रात्यक्षिकाच्या चार दिवसीय सत्राच्या उद्घाटन सत्रात काल बोलत होत्या. हे प्रदर्शन होम मैदानावरील बास्केटबॉल शेजारच्या दालनामध्ये भरवण्यात आले आहे. याप्रसंगी व्यासपीठावर देवस्थान पंच कमिटीचे अध्यक्ष धर्मराज काडादी , यात्रा कमिटी अध्यक्ष तथा विश्वस्त सिद्धेश्वर बमणी , प्राचार्य दीपक पाटील उपस्थित होते.                               ...

देवस्थान आणि कर्मयोगी अप्पासाहेब काडादी चित्रकला महाविद्यालयाचा उपक्रम  सोलापूर ( प्रतिनिधी )  विद्यार्थ्यांच्या अंगभूत कलेला वाव मिळावा आणि त्यांचे कौशल्य व्यवसायात रूपांतरित व्हावे या विद्यार्थी केंद्रीय हेतूने तसेच चित्रकला सामान्य लोकांपर्यंत पोहोचावी या उद्देशाने सिद्धेश्वर देवस्थान पंच कमिटी आणि कर्मयोगी  कै.अप्पासाहेब काडादी चित्रकला महाविद्यालय, संगमेश्वर कॉलेज आवार सात रस्ता सोलापूर यांच्या संयुक्त विद्यमाने भव्य चित्रकला प्रदर्शन आणि प्रात्यक्षिकाचे आयोजन करण्यात आले आहे.कौशल्य विकास अंतर्गत विद्यार्थ्यांच्या कलेला प्रोत्साहन देऊन व्यासपीठ मिळावे या भूमिकेतून हे प्रदर्शन शिवयोगी सिद्धरामेश्वरांच्या यात्रेनिमित्त होम मैदानात बास्केटबॉल ग्राऊंडच्या शेजारी भरवण्यात आले आहे.आज त्याचे उद्घाटन पुण्यश्लोक अहिल्यादेवी होळकर सोलापूर विद्यापीठ सोलापूरच्या कुलगुरू डॉ. मृणालिनी फडणवीस यांच्या शुभहस्ते, देवस्थान पंच कमिटीचे अध्यक्ष अध्यक्ष धर्मराज  काडादी   यांच्या अध्यक्षतेखाली  तसेच सोलापूरकर कलाप्रेमींच्या उपस्थितीत सकाळी १० वाजता होत आहे. विद्यार्थ्या...

सोलापूर प्रतिनिधी -  गणित मंडळाच्या अमरावती येथे झालेल्या राज्यस्तरीय गणित प्रश्नमंजुषा स्पर्धेत  बी. एफ. दमाणी प्रशाला सोलापूरच्या राही शिवशंकर बिराजदार आणि सारंग संतोष पवार याच्या संघाने प्रथम क्रमांक मिळवत राज्य विजेतेपदाचा मान मिळवला. त्यांना गणित शिक्षक समीर कुलकर्णी यांचे मार्गदर्शन लाभले .महाराष्ट्र गणित अध्यापक महामंडळाच्या अमरावती  येथे झालेल्या राज्यस्तरीय अधिवेशनात सोलापूर जिल्ह्याचे प्रतिनिधित्व करण्याचा मान त्यांना प्रारंभी मिळाला. यांनतर लेखी परीक्षा त्यात यशस्वी झाल्यांनतर प्रश्नमंजुषा फेरीत निवड होते.  त्यांच्या या यशाबद्दल माहेश्वरी विद्या प्रसारक मंडळाचे अध्यक्ष नंदकिशोर भराडीया  मुख्याध्यापिका सौ. रेखा पेम्बर्ती ,पर्यवेक्षक राहुल इंगळे यांच्या सह प्रशालेच्या शिक्षकांनी  तसेच जिल्हा गणित मंडळाचे शंकर गिरी, आनंद केतकर ,शिवाजी चौगुले ,समाधान सपाटे, संतोष साळुंखे, सचिव -संजय भस्मे, सुजाता वंजारी,आनंद दुध्याल, प्रीतम माशाळ अभिनंदन केले. 

सोलापूर ( दिनांक - १० )  इन्स्टिट्यूट ऑफ चार्टर्ड अकाउंटंट्स ऑफ इंडियाने (आयसीएआय) घेतलेल्या सनदी लेखापाल अभ्यासक्रमाच्या इंटरमिजिएट परीक्षा आणि अंतिम परीक्षेचा निकाल जाहीर नुकताच केला.यामध्ये बार्शीचे अभिषेक भीमाशंकर गुदगे यांनी यश मिळवले. त्यांचे दहावीपर्यंत शिक्षण संजीवनी पब्लिक स्कूल पन्हाळा येथे तर उच्च माध्यमिक शिक्षण शाहू कॉलेज लातूर येथे घेतांना त्यांना अकाउंटन्सीमध्ये शंभरपैकी १०० गुण मिळवले होते. महाराष्ट्र मित्र मंडळ कॉलेज ऑफ कॉमर्स इथं त्यांनी पदवीचे शिक्षण पूर्ण केले.आयसीएआयने नोव्हेंबरमध्ये परीक्षा घेतली होती.त्यातील अंतिम परीक्षेत ६५ हजार २०१ विद्यार्थ्यांनी ग्रुप एकची परीक्षा दिली. त्यापैकी १३ हजार ९६९ विद्यार्थी उत्तीर्ण झाले.         बार्शीचे इलेट्रॉनिक्स व्यावसायिक  भीमाशंकर कल्लप्पा गुदगे यांचे ते चिरंजीव तर  संगमेश्वर महाविद्यालयातील  रसायनशास्त्राचे प्रा.नागेश कोल्हे यांचे ते मेव्हणे आहेत.  त्यांच्या या यशाबद्दल आई वडील, गुरुजन, मित्रपरिवार,नातेवाईक यांनी कौतुक केले.