मराठी.Radiosantosh

  https://youtu.be/wb33nyVYRWI जैन गुरुकुल परिवाराचे स्वागत गीत शाळेचा पहिला दिवस अविस्मरणीय असतो... जैन गुरुकुल परिवारात असताना प्रयोगशील गायक आणि संगीतकार, कवी मनाचे शिक्षक दीपक कलढोणे यांनी सामान्य कुटुंबातल्या मुलांना घेऊन बसवलेलं स्वागत गीत माझ्या या शाळेतल्या दिवसातला एक अविस्मरणीय दिवस आहे. ही मुलं कुठं क्लास लावून शिकत नाहीत तर कलढोणे सर वर्गात अन इतर वेळेला जे घेतील त्या सरावातून गाणं शिकलेली. पण गुरुकुल परंपरा अशी की जे कराल ते मन लावून करा. या शिस्तीत या कोवळ्यांची जडण - घडण होत असल्याने एवढं सुंदर गाणं आकारास आलं असावं असं मला वाटतं. अवश्य पहा आणि आमच्यासोबत अनेक घडामोडी अनुभवण्यासाठी subscribe  करा. जरूर शेअर करा. साहाय्य - श्रीरंग आणि सारंग सहभागी विद्यार्थी - सादरकर्ते - दीपक कलढोणे आणि विद्यार्थी मार्गदर्शन - प्राचार्य आशुतोष शहा, उपप्राचार्य - सुनील आळंदकर , पर्यवेक्षक - राजकुमार काळे आणि शिक्षकवृंद

 संगमेश्वर कॉलेज, सोलापूर  भाषा  संकुलाच्या वतीने हा पाठ तयार करण्यात आला आहे. विद्यार्थी , शिक्षक बंधू भगिनींना नक्की आवडेल.

आठवणींच्या हिंदोळ्यावर आठवणी कोल्हापूरच्या  बहुजन हिताय बहुजन सुखाय खऱ्या अर्थाने जनसामान्यांचा आवाज म्हणून ज्या प्रसारमाध्यमांकडे आपण पाहतो त्यातील एक सर्वात विश्वासार्ह शासकीय  प्रसार माध्यम म्हणून आकाशवाणी कडे पाहिलं जातंय.  आकाशवाणी कोल्हापूर केंद्राच्या वर्धापनदिनी (आजच्या 15 मे )कोल्हापूर परिसरातील सर्व आकाशवाणी श्रोत्यांना, हितचिंतक, जाहिरातदार यांना वर्धापन दिनाच्या हार्दिक शुभेच्छा.  ज्ञान आणि मनोरंजनाबरोबर छान छान गाणी देणाऱ्या या आकाशवाणीनेही एक लोक मानस तयार केला आहे.सकाळी 5.53 पासून सुरू झालेला हा प्रवास रात्री अकरा वाजून दहा मिनिटांनी विसावतो पुन्हा नवा दिवस, नवी आशा घेऊन रसिकजनाना  जागे करण्यासाठी. सोलापूरात 2005 पासून  आकाशवाणीत कामास सुरुवात झाली.  2007 ते 2009 या कालावधीत मला कोल्हापूर आकाशवाणीत काम करता आलं. योगायोगाने आमचे बंधू सध्या आकाशवाणी सोलापूर इथं तंत्रज्ञ म्हणून असलेले जयंत मचाले  तेथेही सेवारत होते. त्यामुळे  अगदी नव्या शहरातला प्रवास सोप्पा झाला. त्यावेळेस मुलाचे गोव्याचे ,केंद्रप्रमुख वेणीमाधव बोरक...

शिवाजी विद्यापीठाचे पहिले कुलगुरू : डॉ. आप्पासाहेब पवार (शिवाजी विद्यापीठाचे शिल्पकार डॉ. आप्पासाहेब पवार यांच्या जयंतीनिमित्त कोटी कोटी प्रणाम!.)                     ५  मे २०१९ शाहू छत्रपतींच्या जीवनापासून प्रेरणा घेऊन छत्रपती राजाराम महाराजांच्या कारकीर्दीत जे कर्तबगार विद्यासेवक आपल्या बुद्धीने चमकले त्यात शिवाजी विद्यापीठाचे कुलगुरू डॉ. अप्पासाहेब पवार यांची गणना करावी केली जाते आपले शालेय शिक्षण संपवून महाविद्यालयीन शिक्षणात त्यांनी प्रारंभ केला आणि पुढे त्यांची कष्टाळू वृत्ती आणि बुद्धीची झेप यांनी आकर्षिले जाऊन राजाराम छत्रपतींनी त्यांना विशेष अध्ययनासाठी इंग्लंडला पाठवले. आप्पासाहेबांनी तेथे काही वर्ष राहून इतिहास आणि कायदा यांचे सखोल व सर्वांगीण ज्ञान संपादन करून आणि एम्.ए आणि बार - अँट लॉ या पदव्या विशेष गुणवत्तेने संपादन केल्या पुढे मायभूमीत परत येताच त्यांनी राजाराम कॉलेजमध्ये इतिहासाचे प्राध्यापक म्हणून बहुमानाने नियुक्ती झाली. अनेक सरकारी नोकऱ्या करत मान सन्मान मिळविला. सरकारी नोकरीतून मुक्त झाल्यानंतर शिवाजी विद्...

Santosh Pawar April 30   ·  अंगणवाडी आनंदवाडी करणाऱ्या आमच्या बालवाडीच्या ठमके बाई .. . बलसागर भारत होवो , खरा तो एकची धर्म , भारत हमको जान से प्यारा है , प्रकाशातले तारे तुम्ही अंधारावर रुसा, हसा मुलांनो हसा... अशी अनेकविध गाणी बालगोपाळांना शिकवत दर 15 ऑगस्ट आणि 26 जानेवारी प्रजासत्ताक दिनाला 'अंगणवाडी आनंदवाडी ' चा कार्यक्रम जाहीर सादर करत मुलांमध्ये रमणाऱ्या पानमंगरूळ (तालुका - अक्कलकोट, जिल्हा - सोलापूर) येथील प्रमि ला सिद्धाराम ठमके या मुलांच्या आणि गावच्या बाई अंगणवाडीचे काम 'आनंदाने' करत सेवानिवृत्तीच्या उंबरठ्यावर असताना कोविड १९ च्या या संचारबंदीच्या काळात मुख्यमंत्री सहायता निधीस अकरा हजार रुपयाची मदतनिधी देऊन 'सेवा धर्मी पुण्य आहे 'याची प्रचिती सर्वांना आणून दिली आहे. यापूर्वी गुजरात भूकंप निधी ११११, सुनामी लाट ११११ रुपये देणगी बाईंनी दिली आहे, हा सगळा निधी त्यानी माननीय पंतप्रधान नरेंद्र मोदी आणि मुख्यमंत्री उद्धव ठाकरे यांनी केलेल्या आवाहनास प्रतिसाद देत दिला आहे. माननीय पंतप्रधान यांनी अंगणवाडी सेविकांच्या म...

प्रख्यात गीतकार,शब्दप्रभू जगदीश खेबुडकर आज स्मृतिदिन.... ( 3 मे 2011) अत्यंत संवेदनशील नाना ... सोलापूरला व्याख्यानाच्या निमित्ताने ते आले असता मी संगमेश्वर कॉलेजमध्ये बीए च्या वर्गात असतानाची आठवण आजही आठवते. त्यावेळी नानांचे व्याख्यान झाले.माझ्या खिशात लाल आणि जांभळ्या रंगाचे पेन होते .ते पाहून अन एकूण कार्यक्रम छान झाल्याचे सांगताच तू रसिक आहेस असे म्हणाले. तुझ्या खिशातल्या पेनाने तुझ्या डायरीत मी सही करेन म्हणून जांभळ्या रंगांच्या शाईने सही केली.पुढे काय करणार नानांनी विचारले. मी म्हणालो काका काकू शिक्षक अन वडील शेतकरी...राहातो होस्टेलवर. झालो तर शिक्षक नाही तर आवाजाच्या क्षेत्रातली तंत्र शिकायची आहेत.रेडिओ अन जगदीश खेबुडकर हे समीकरण मला विद्यार्थी दशेत खूप भावत होतं. रेडिओवर मराठी चित्रपट संगीतात हमखास नाव ऐकायला मिळायचं.म्हणून. नाना शिक्षकच हो म्हणाले ... त्यांनी मुलाखतीत खेबुडकर कुटूंबाची शिक्षकी परंपरा सांगितली होती. पुढे ओघाने 2009 साली कोल्हापुरात येणं झालं चाटे शिक्षण समूहाच्या अन आकाशवाणी कोल्हापूर च्या निमित्ताने. शिक्षक म्हणून रमलो .मात्र नानांना आज भेट...

https://youtu.be/jqugD08RnYI लेखक आपल्या भेटीला इयत्ता  दहावीच्या पाठ्यपुस्तकातील आजी -कुटुंबाच आगळ या पाठाचे लेखक डॉ. महेंद्र कदम ,प्राचार्य विठ्ठलराव शिंदे कला महाविद्यालय, टेम्भूर्णी यांनी शिक्षकांशी साधलेला संवाद - दिनांक ९ एप्रिल २०१८ ठिकाण - हिंदुस्थानी कॉन्व्हेंट हायस्कुल, सोलापूर माध्यमिक शिक्षण विभाग आणि जिल्हा माध्यमिक मराठी शिक्षक संघ यांच्या संयुक्त विद्यमाने हे प्रशिक्षण पार पडले. सरानी एका फोनवर आमच्या विनंतीला मान देऊन तब्ब्ल तीन व्याख्याने दिली त्यातील एक भाग आपल्या सर्वांसाठी. मी जैन  गुरुकुल मध्ये असतांना हा व्हिडीओ बनवला होता व्यवस्थित संस्करण करून आता उपलोड केले आहे.  लेखक आपल्या भेटीला हा उपक्रम माध्यमिक मराठी शिक्षक संघाचा प्रसिद्धी प्रमुख म्हणून काम पाहताना हे नियोजन करता आले. सहकार्य - अध्यक्ष - गणेश देशपांडे , उपाध्यक्ष - उज्वला साळुंखे   ,   कार्याध्यक्ष - भिकाजी कुलकर्णी   सचिव - राजेंद्र आसबे सदस्य - औदुंबर देशमुख, वैशाली अघोर, देविदास गुरव, रामचंद्र    धर्मसाले,सौ. एम बी कोरे, कोरे सर कोरीवली . ...